Zbardhet projekti : Ja si do te lidhet sheshi “Skenderbej†me Pazarin e Ri
Pazari i Ri dhe zgjatimi i Bulevardit nuk do të jenë pjesë të ndara të qendrës së kryeqytetit.
Urbanistët po shohin mundësinë e një lidhje harmonike me sheshit “Skënderbej”, Pazarit dhe Bulevardit të Ri. Shefi i urbanistikës në Bashkinë e Tiranës, Ditjon Baboçi tregon se projekti që do të lidhë sheshin me “Pazarin e Ri” synon të shtojë hapësirat për këmbësorët, biçikletat si edhe të eleminojë korsitë e parkimit në të dy krahët e rrugës “Luigj Gurakuqi”, ku po ashtu do të ndërhyhet edhe në shtresat e rrugës.
“Aktualisht kemi një rrugë tejet të gjerë për automjetet në një vend që nuk ka dhe aq shumë trafik. Rrjedhimisht qëllimi jonë është të eliminojmë korsitë e parkimit dhe me këtë hapësirë që fitojmë të vendosim një korsi të re biçikletash dhe gjithashtu të zgjerojmë trotuaret. Lëvizshmëria do të mbetet e njëjtë. Ndërhyrja do të jetë kryesisht në shtresa dhe në hapësirën e këmbësorëve dhe e parkimeve të automjeteve.
Tipologjia e materialeve do i përngjasojë atyre të sheshit “Skëndërbej”. Ky është qëllimi jonë dhe pastaj pritet që dora-dorës, avash-avash fillon dhe ka një tranzicion tek hapësira pedonale tek Pazari i Ri”, tha Baboçi. Një projekt i ngjashëm do të zbatohet edhe në Bulevardin Zogu i I, segmenti ndërlidhës mes qendrës pedonale dhe Blv të Ri. “Ideja është që të eliminojmë korsinë e parkimit nga rruga kryesore dhe ta shndërrojmë, ta përshtatim për hapësirën e trotuarit, të punojmë me shtresat e trotuarit të punojmë edhe me tipologjinë e hapësirës.
Sot është një hapësirë shumë e ndarë midis rrugës së automjeteve dhe rrugës së këmbësorëve të jetë diçka që është pak më e këndshme që detyrimisht e bënë edhe më të vështirë, ul pak shpejtësinë e lëvizjes së automjeteve me qëllim që të jetë diçka më e përdorshme le të themi për biçikletat dhe për këmbësorët”, deklaroi Baboçi./Shqip
